 |
| |
 Rondirado | Kie oni povus pli bone komenci rondiradon tra la hugenota urbo ol ĉe la hugenota placo (Hugenottenplatz) kun la kirko de Hugenotoj (Hugenottenkirche), kies ĝusta nomo estas protestanta-reformita kirko? Tiu kirko estis la unua konstruaĵo, kiun konstruigis la markgrafo Christian-Ernst post la alveno de la hugenotoj fuĝintaj pro ilia kredo el Francio en la jaro 1686. La konstruado daŭris ĝis 1693. La kirko en la tiama nova urboparto ankaŭ estis la unua hugenota preĝejo ekster Francio.
|  Kirko de Hugenotoj |
 Kirko de Hugenotoj, la entero | Ĝi ankaŭ estas taksita kiel la plej malnova konservita centra konstruaĵo de franca deveno en Eŭropo. La brilaĵo de la ekstreme modesta transepta kirko kun la ovala meza navo estas la ambono el la jaro 1700 kaj la valora baroka orgeno de 1755/64. Kun la du paroĥaj domoj ĉe la malantaŭa flanko de la kirko tiu konstruaĵaro restis kiel unua en la hugenota urbo ĝis hodiaŭ neŝanĝita. |
| Ŝanĝitaj per ali- kaj novkonstruado al komercaj domoj estas multaj domoj en la Neustadt (iama nova urboparto), ankaŭ la Richthäuser ĉe la anguloj de la placoj. Tio validis specife por la domoj ĉe la ĉefstrato, kiu kondukas de la hugenota placo (Hugenottenplatz) norden al la Markt- und Schlossplatz (foirejo kaj kastela placo), preter la impona Besold´sches Haus (domo de Besold, iama nobela palaco). |  Domo de Besold |
 Puto de Pauli | La foirejon, kies centro estas la puto de Pauli, donacita en la jaro 1886 de la komercista familio Pauli, regas la monumenta palaco Stutterheim el 1728/30, kiu nun loĝigas du galeriojn, la urban bibliotekon kaj la kulturoficejon. La origine prestiĝa loĝdomo de la familio Stutterheim estis inter 1836 kaj 1971 uzita kiel urbodomo. |
 Palaco Stutterheim | La plej multaj el la sufiĉe nombraj iamaj nobelaj palacoj estas hodiaŭ publikaj instancoj. Sur la foirejo vendistoj ĉiutage starigas iliajn standojn kaj ofertas fruktojn, legomojn, florojn kaj aliajn agrikulturajn produktojn. |
| Al la komenco de la paĝo | Al la dua parto |